Ku nyika matimba eka Dyondzo hi Ndzawulo ya Dyondzo eLimpopo

Hi ku ringeta ku hlanganisa ku avana ka xidijitali na ku kurisa swivandlanene swo ringana eka dyondzo, Ndzawulo ya Dyondzo ya Limpopo, ehansi ka vurhangeri bya Mutshamaxitulu wa DDG Mathew Mhlongo, sweswinyana yi nsimekile tisenthara timbirhi ta ICT ta xiyimo xa le henhla.

Tisenthara leti, leti kumekaka exikolweni xa le henhla xa Makikele eSelwane na le xikolweni xa le henhla xa Matome Malatji eMashishimale ehandle ka Phalaborwa, ti fungha goza lerikulu eka ku nyika matimba eka vadyondzi loko swita ka mhaka ya Thekinoloji.

Kungu leri ri kongomisa ku pfurhetela ku navela ka Thekinoloji ya Mahungu na Vuhlanganisi (ICT) exikarhi ka swichudeni na ku swi hlomisa hi vuswikoti bya nkoka bya xidijitali.

Hi ku nyika mfikelelo eka thekinoloji ya manguva lawa, sekithara ya dyondzo ya Limpopo yi ringeta ku ringanisa ndhawu yo tlangela eka vadyondzi, ku tiyisisa leswaku va ringana na tintangha ta vona ku suka eka swifundzakulu swin’wana loko swita ka Thekinoloji.

ku hlanganisiwa ka ICT eka kharikhulamu swi pfula tinyangwa eka tindlela to dyondzisa ta vutumbuluxi na ntokoto wo dyondza lowu tirhisanaka.

Swichudeni swi nga nghenelela eka switirhisiwa swa ‘multimedia’, swi tirhisana eka tiphurojeke, na ku fikelela rifuwo ra mahungu lama tlulaka mindzilakano ya ndhavuko ya tlilasi.

Hi ku vekisa eka dyondzo ya ICT, Ndzawulo ya Dyondzo ya Limpopo a yi nyiki vadyondzi matimba ntsena kambe yi tlhela yi hlakulela vumundzuku byo vangama eka vaaki hinkwavo.