Dzumeri Masters yi hlula hi 1-0

Hi Orlando Chauke

Babize Masters yi hluriwile hi Dzumeri Masters hi 1-0 eka ntlangu wa yona wa ligi hi Sonto. Ntlangu lowu wu tlangiwe emugangeni wa Homu 14B tanihi xiphemu xa ligi ya Giyani Masters.

Babize Masters yi lawule ntlangu naswona yi vile na minkarhi yo tala yo howisa tigoli, kambe a yi nga ri na mutlangi wo tiya emahlweni ku howisa tigoli.

Emasungulweni, vatlangi va Babize Masters a va nyiketana kahle bolo naswona a va kongomisa ntshikelelo eka Dzumeri. Va nyiketana kahle bolo ku suka eka matlhelo hinkwawo, kambe a ku nga ri na munhu loyi a a ri kona leswaku a ta howisa tigoli.

Vanhu van’wana va nga ha vula leswaku muzaberi loyi a fanele a endle swo tala, kambe ligi leyi yi mayelana na ku ringanela ni ku titsakisa. Mintlangu leyi i ya vatlangi va khale lava va tsakelaka bolo ya milenge naswona va lavaka ku tshama va ri karhi va gingiriteka. Kutani, ligi leyi, a yi mayelana ngopfu na ku hlula kambe ku tiphina hi ntlangu.

Eka hafu ya vumbirhi, Babize Masters yi ringetile hi matimba swinene ku howisa goli no endla leswaku ntlangu wu ringana. Kambe Dzumeri Masters yi tlangile hi vusirheleri byo tiya na nhlaselo, leswi endleke leswaku swi tika eka Babize ku howisa tigoli.

Vasirheleri va Dzumeri va yimise vatlangi va Babize ku tshinela ekusuhi na tipala. Va tiyisisa leswaku loko Babize yi ringeta ku howisa tigoli, vusirheleri bya Dzumeri byi tshama byi ri na matimba naswona byi tlherisela bolo endzhaku, leswi a swi endla leswaku babize yi tshama yi ri ehansi ka ntshikilelo. Bolo yi chayile dzumeri yi hlurile hi 1-0