Enoch Ndou U Langutane Na Nandzu wo dlaya Swirho swa Nkombo hi khisimusi
MALAMULELE – Enoch Ndou, muaki wa Jimmy Jones ehandle ka Malamulele eLimpopo, u lulamerile ku tengisiwa hi swihehlo swo dlaya swirho swa ndyangu swa nkombo hi siku ra khisimusi hi lembe ra 2021. Nandzu wu languteriwe ku sungula namuntlha ekhoto ya le henhla ya Thohoyandou, naswona Ndou u langutane na nkombo wa milandzu yo dlaya.
Hi ku ya hi swiviko, Ndou u hehliwa hi ku duvula swirho swa ndyangu wa yena ku katsa na vatswari, vamakwavo na vatukulu va yena eka leswi ku tshembiwaka leswaku i mpfilumpfilu wa le kaya.
Ku sukela loko a khomiwile, Ndou u ve ekhotsweni ra maphorisa, naswona nandzu lowu wu rindzeriwile hi mahlo-ngati hi swirho swa ndyangu wa vafi[vatwisiwa kuvava] na vaaki hi ku angarhela.
Mhaka leyi yi langutiwa swinene tanihi leswi yi kombisaka mhaka ya madzolonga ya le mindyangwini, leyi ya ha tshamaka yi ri xiphiqo lexikulu eAfrika-Dzonga.
Nandzu lowu wu languteriwile ku leha, laha vuchuchisi byi nga ta vitana timbhoni no humesa vumbhoni byo kombisa nandzu wa Ndou handle ko kanakana. Hi hala tlhelo, Ndou u languteriwe ku tiyimelela hi matimba, naswona khoto yi ta boheka ku languta vumbhoni hinkwabyo lebyi nyikeriweke yi nga si fikelela xiboho.
Ndyangu wa vafi na wona wu ntshemba leswaku nandzu lowu wu ta va tisela ku rhula ko karhi.
Loko nandzu wu ri karhi wu ya emahlweni, mahlo ya tiko ya ta va ya ri eka khoto ya le henhla ya Thohoyandou, hi ntshembo wa leswaku Ndou u ta nyikiwa xigwevo lexi nwi fanelaka.
