Jaha ra le ka Govhu ri ti Akela vito hi vutsari

Share the News

Hi Besson Ntlemo

Buka yo sungula ya novhele ya Alphor Mikhenso Sithole, jaha ro huma emugangeni wa ka Govhu eka masipala wa muganga wa Collins Chabane yi koka rinoko eka vahlayi yi tlhela yi nwi nyika vito eka vatsari va tibuku.

Alphor loyi a tivekaka hi vito ra Zazaboy i nwana loyi a nga kulela evusweteni kambe sweswi i mutsari a tlhela a va muchudeni eyunivhesiti ya Nwalungu laha a endlaku lembe ra vumbirhi eka digiri ya vuhlanganisi (BA communications and media studies).

Lembe leri nga hundza, Alphor u humesile buku ya yena, Cindzu Makukula ekule na Envisioned Imprints Publishers ya le Mpumalanga. Buku leyi ya novhele yo nwi nyikile eka vatsari kuloni.

Unwani wa vanhu lava nga tekiwa rinoko hi buku leyi i Tatiana Hlulani Mabunda wa le Lombard eka M’tititi.
Yena u ri buku leyi yi le ka xiyimo xa le henhla. “Ndzi yi hlayile ko hlaya na swona ya ha ndzi tsakisa yi tlhela yi va na dyondzo,” ku vula Mabundza.

Alphor u tswariwile eka Govhu eCollins Chabane hi 19 Sunguti hi lembe ra 2000. U kurisiwile hi manana wa yena
Mijaji Sithole endhaku Ka Ku lova ka tatana wa yena Gezani Albert Sithole a ha ri ntsongo.

“A swi sasekangi ku Kula u ri hava Papa hikuva swi ku nghena na le mehleketweni u pfumala na ku titshembha,” ku vula Alphor. U vula leswaku u debyisile matirhelo ya yena exikolweni, a nga hlayi tibuku swi endla leswaku a nga pasi loko lembe ri hela.

Kambe loko karhi wu ya u vonile vanwani va ri hava vatswari va tirha kahle. “Ndzi sungurile ku tirha hi khikhi,” ku vula Alphor. U subgurile ku tirha kahle exikolweni, a tsala na xirhungulwani lexi lembe leri nga hundza xi nga tlhomiwa risiva eholweni ya vaaki ya ka Malamulele.

Naswona, lembe le ri nga hundza u amukeriwile eyunivhesiti ya Nwalungu laha sweswi a endlaka lembe ra vumbirhi eka digiri ya vuhlanganisi na midiya (BA in Communications and Media Studies). “Ndzi tsaka ngopfu hikuva tidyondzo ta mina ta leswi ndzi nga kula ndzi rhandza swona,” ku vula Alphor.

Alphori tsundzuka siku a nga hlaya xiphatu xa yena xi amukeriwa hi vadyondzi kuloni na mathicara loko a endla gireyidi ya khuma. “Leri I siku leri ndzi nga ta ka sungurile ku va na ku titshemba,” ku vula Alphor.

Alphor I tinyungubyisa hi vutsari bya yena a vula leswaku buku ya yena yi kurisa na ndhawu ya ka vona ya ka Govhu.

Mathunse Hlukani

Hlukani Mathunse is a talented journalist and media professional with a passion for storytelling and community engagement.

Mathunse Hlukani has 369 posts and counting. See all posts by Mathunse Hlukani

Leave a Reply

Your email address will not be published. Required fields are marked *